Евертон е во преговори со Реал за Хамес
- Фудбалерот од средниот ред на Реал Мадрид, Хамес Родригез може да ја продолжи кариерата во Англија.
![Евертон е во преговори со Реал за Хамес](https://mia.mk/index.php/images/20221104183511_big_730x400_14.webp )
Лондон, 26 август 2020 (МИА) – Фудбалерот од средниот ред на Реал Мадрид, Хамес Родригез може да ја продолжи кариерата во Англија.
Според „Телеграф“, Евертон е заинтересиран за негово стекнување. Тренер на екипата од Мерсисајд е Карло Анчелоти, кој претходно работел во Мадрид и Баерн, каде играше Колумбиецот.
Сè уште не е јасно колку ќе бара Реал за овој трансфер, иако се шпекулира за 25-30 милиони евра. Забележано е дека преговорите напредуваат добро за двата клуба. зс/