Демократскиот сојуз на сите граѓани им го честита Денот на независноста
- Скопје, 8 септември 2023
![Демократскиот сојуз на сите граѓани им го честита Денот на независноста](https://mia.mk/index.php/images/20230908133051_big_730x400_76.webp )
Скопје, 8 септември 2023
Демократскиот сојуз на сите граѓани на Македонија им го честита ДЕНОТ НА НЕЗАВИСНОСТА на Македонија, со желба вечно да се слави овој ден кога се објави дека Македонците, но и сите други граѓани плебицистарно се определија за самостојна, суверена и независна Македонија.
Да потсетиме, не беа сите партии и функционери за независна Македонија, некои беа за скратена федерација, некои за припојување кон соседни држави, некои за да останеме во рамките на СР Југославија, но македонскиот народ масовно излезе на референдумот и гласаше за суверена и демократска Македонија.
Идејата за референдум ја предложија "ОСУММИНАТА" припадници на МВР, а цврсто ја поддржаа ВМРО-ДПМНЕ и некои други партии.
Сега, од оваа дистанца, меѓу тие што ги славиме како заслужни се и оние кои го опструираа референдумот.
Денес сме сведоци на обиди за поделби на македонското национално ткиво, за тоа кој е за ЕУ, а кој против, дури некои со своите активности ја загрозуваат националната безбедност, стабилноста и просперитетот на државата.
Демократскиит сојуз повикува на единство, сплотеност и државничко однесување. Сите треба да бидеме поодговорни, да работиме на развој на демократијата, сите граѓани да се чувствуваат слободни, да се справиме со криминалот, а не да ги амнестираме тие што ја ограбуваат државата, да направиме коренити реформи и по брза патека да се вклучиме во семејството на ЕУ.
Само со слога, многу работа и со зачувување на националниот дигнитет, можеме да чекориме напред.
Демократски сојуз
—————————————————————————————————————————
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.