Голем интерес за конкурсот за ДУП-от во Расадник
- Општина Кисела Вода информира дека има голем интерес кај стручната јавност за Меѓународниот конкурс за идејно решение за ДУП за Расадник, кој го распиша Општината пред повеќе од два месеци.
![Голем интерес за конкурсот за ДУП-от во Расадник](https://mia.mk/index.php/images/20221113225439_big_730x400_78.webp )
Скопје, 23 септември 2022 (МИА) - Општина Кисела Вода информира дека има голем интерес кај стручната јавност за Меѓународниот конкурс за идејно решение за ДУП за Расадник, кој го распиша Општината пред повеќе од два месеци.
-Со цел да се обезбеди што подобро архитектонско-урбанистичко решение за потребите на жителите на овој дел од Скопје и целосна транспарентност на процесот, конкурсот е објавен на повеќе меѓународни стручни веб страници, велат од општината.
Оттаму посочуваат дека освен на веб-страниците за јавни набавки на ЕУ, на Архитектонскиот факултет, Комората на овластени архитекти и инженери и Асоцијацијата на архитекти, конкурсот е објавен и на веб страниците на нивните сестрински организации.
-Конкурсот до стручните лица од нивните земји го пренесе и Сојузот на архитекти на Црна Гора, а текстот со сите критериуми се појави и на престижниот портал https://www.architectsjournal.co.uk/, како и на најпосетуваниот светски сајт за архитектура https://www.archdaily.com/986151/international-competition-for-conceptual-urban-architectural-solution-for-a-city-quarter-j14-rasadnik-skopje-municipality-of-kisela-voda, соопштуваат од Општина Кисела Вода.ир/са/