Германски медиуми: Шминкерката и фризерката на Меркел се уште се платени од даночните обврзници
- Кабинетот на Меркел ги презема трошоците за професионална асистентка за шминка и фризура и во случаи кога станува збор за состаноци што не се јавни, се велат од Кабинетот на канцеларката.
![Германски медиуми: Шминкерката и фризерката на Меркел се уште се платени од даночните обврзници](https://mia.mk/index.php/images/20230629153629_big_730x400_61.webp )
Берлин, 29 јуни 2023 (МИА) - Освен канцеларијата и персоналот, државата продолжува да ги плаќа и трошоците на шминкерката и фризерката на поранешната канцеларка Ангела Меркел кои ја придружуваат на нејзините патувања, објавија денеска германските медиуми.
-Кабинетот на Меркел ги презема трошоците за професионална асистентка за шминка и фризура и во случаи кога станува збор за состаноци што не се јавни, се велат од Кабинетот на канцеларката.
При пресметката на трошоците во Кабинетот на канцеларката, вработените ги забележале и високите хотелски трошоци на стилистката која ја придружува Меркел на нејзините патувања.
Неодамна беше објавено и дека месечните трошоци на Кабинетот на поранешната канцеларка Ангела Меркел изнесуваат околу 66 илјади евра. мс/
фото: ЕПА