Втор уписен рок за студенти бруцоши на УКЛО-Битола
- На сите универзитетски единици при Универзитетот „Св. Климент Охридски“-Битола денеска и утре ќе се реализира дополнителен, втор уписен рок за студенти бруцоши.
![Втор уписен рок за студенти бруцоши на УКЛО-Битола](https://mia.mk/index.php/images/20221113221210_big_730x400_67.webp )
Битола, 14 септември 2022 (МИА) - На сите универзитетски единици при Универзитетот „Св. Климент Охридски“-Битола денеска и утре ќе се реализира дополнителен, втор уписен рок за студенти бруцоши.
Од УКЛО-Битола информираат дека за студирање во прва година огласени се 1.808 слободни места, од нив 723 во т.н. државна квота, 680 во приватна квота и 405 места за вонредни студенти.
На Педагошкиот факултет во Битола слободни се 152 места, на ФИКТ 142, на Факултетот за Биотехнички науки 95, на Ветеринарниот факултет слободни се 37, а на Високата медицинска школа може да се запишат уште 134 студенти.
Најмногу слободни места има на Правен факултет-Кичево, вкупно 300 и на Техничкиот факултет во Битола, вкупно 299 места. Слободни места има и на другите универзитетски единици чии седишта се во Охрид, Прилеп, Велес и во Скопје.мт/са/