Времето од понеделник малку потопло
- Од понеделник ќе дува умерен до засилен ветер од јужен правец, што ќе допринесе утринските и дневните температури да бидат во пораст, соопшти УХМР.
![Времето од понеделник малку потопло](https://mia.mk/index.php/images/20240113125502_big_730x400_44.webp )
Скопје, 13 јануари 2024 (МИА) - Од понеделник ќе дува умерен до засилен ветер од јужен правец, што ќе допринесе утринските и дневните температури да бидат во пораст, соопшти УХМР.
Утре ќе се задржи стабилно време со ниски утрински температури. Во понеделник и вторник времето ќе биде променливо облачно со повремени врнежи од снег на планините и повисоките места, особено во западните делови, каде што ќе се формира нова снежна покривка. Во пониските места, врнежите ќе бидат од дожд и снег. бд/ев/
Фото: МИА