Во штипскиот регион активни два пожари
- - Пожарот меѓу штипските села Калапетровци и Кошево е под контрола, пожарникари на ТППЕ-Штип во текот на ноќта дежурале на терен, информира за МИА командирот на ТППЕ-Штип, Дарко Коцев.
![Во штипскиот регион активни два пожари](https://mia.mk/index.php/images/20231010084930_big_730x400_52.webp )
Штип, 10 октомври 2023 (МИА) - Пожарот меѓу штипските села Калапетровци и Кошево е под контрола, пожарникари на ТППЕ-Штип во текот на ноќта дежурале на терен, информира за МИА командирот на ТППЕ-Штип, Дарко Коцев.
Според првичните информации во текот на вчерашниот ден огнената стихија зафатила над 70 хектари мешана шума, нискостеблести растенија, а во гаснењето на пожарот беа вклучени десеттина пожарникари, двата ер трактори и полициски хеликоптер.
-Станува збор за непристапен терен, а според дежурната екипа се уште гори на едно место, вели Коцев.
Тој за МИА истакна дека утринава имаат и нов пожар на планината Серта во атарот на штипското село Селце.
-Во атарот на штипското село Селце имавме голем пожар за време на викендот, сега ова е нов пожар. Во тек се координации со Центарот за управување со кризи, како да се делува на двете локации, со нас изминатите денови се и вработените од шумското претпријатие, вели Коцев.
Тој апелира да не се палат пасиштата и страништата, бидејќи страдаат и се уништуваат големи површини на шума. вдј/дма/
Фото: МИА