Во општина Зелениково се уредува речното корито, се реконструира и училиште
- Претседателот на ВМРО-ДПМНЕ Христијан Мицкоски и градоначалникот на Зелениково Коста Маневски денеска извршија увид во тековните проекти што се работат во оваа општина.
![Во општина Зелениково се уредува речното корито, се реконструира и училиште](https://mia.mk/index.php/images/20221114024449_big_730x400_38.webp )
Градоначалникот Маневски информира дека во населеното место Река се гради регулација и уредување на речно корито. Во основното училиште во населеното место Орешани е завршен проектот за реконструкција на покрив и за громобранска инсталација.
![ОУ, општина Зелениково](/articles/images/%d0%b2%d0%be-%d0%be%d0%bf%d1%88%d1%82%d0%b8%d0%bd%d0%b0-%d0%b7%d0%b5%d/52OwRPlbD/placeholder.webp?use_watermark=0)
Се одвива реконструкција на улица „10“ во должина од 230 метри, со вкупна вредност на проектот од еден милион и 300 илјади денари. Тој соопшти дека има и многу други проекти што се изградени во општина Зелениково, како два детски забавни паркови и набавка на специјализирано возило за собирање и транспорт на комунален отпад, набавка на нови контејнери. Прв чекор за водоснабдување на село Градовци, како што рече, е бушотина и изнаоѓање на вода за водоснабдување на селото.
- Во Етно комплексот Градовци заедно со жителите и со граѓаните направивме едно преубаво место за рекреација на жителите од општина Зелениково, а и од околните населени места, изјави Маневски. мд/дма/