Во Крушево почнува „Krushevo Trail Challenge“
- Од денеска па целиот викенд, во Крушево за првпат се одржува „Krushevo Trail Challenge“ кој содржи неколку трки. Центарот на случувањата се ски терените, а ќе биде опфатена и градската средин
![Во Крушево почнува „Krushevo Trail Challenge“](https://mia.mk/index.php/images/20221113143518_big_730x400_70.webp )
Крушево, 27 мај 2022 (МИА) - Од денеска па целиот викенд, во Крушево за првпат се одржува „Krushevo Trail Challenge“ кој содржи неколку трки. Центарот на случувањата се ски терените, а ќе биде опфатена и градската средина. Учесниците од целата држава ќе имаат можност да се натпреваруваат, но и да уживаат во околината на Крушево.
Најпозната е ноќната планинска трка од 8 километри која ќе почне утревечер, сабота. Трката има натпреварувачки карактер. Сообраќајот ќе се одвива регуларно, со кратки прекини на премините кај детското одморалиште „Шула Мина“, „Јаноска чешма“ и кај преминот со скалила под црквата „Св. Богородица“.
Натпреварувачите стартуваат од ски терените „Станич“ и ќе се упатат кон детското одморалиште Шула Мина. Оттаму се спуштаат кон Крушевското езеро, продолжувајќи кон Македониумот, Гумење, Јаноска чешма, а потоа Се упатуваат низ уличките на стариот град кон црквата „Св. Богородица“. Од тука се спуштаат до центарот на градот и продолжуваат кон паркот Питу Гули и хотелот „Панорама“ поминувајќи низ подвозникот. Натпреварувачите потоа продолжуваат до хотел „Илинден“, а ќе завршат на врвот на жичарницата.
„Krushevo Trail Challenge“ требаше уште лани да се одржи, но поради ковид-протоколите и забраната за движење низ шумите, беше одложен за годинава.
Организатор е планинарското друштво „Златоврв“ од Прилеп.ем/бт/