Вокер го пропушти тренингот пред финалето на ЛШ поради проблеми со грбот
- Фудбалерот на Манчестер сити, Кајл Вокер го пропушти вчерашниот тренинг поради проблеми со грбот.
![Вокер го пропушти тренингот пред финалето на ЛШ поради проблеми со грбот](https://mia.mk/index.php/images/20230607090319_big_730x400_92.webp )
Манчестер, 7 јуни 2023 (МИА) – Фудбалерот на Манчестер сити, Кајл Вокер го пропушти вчерашниот тренинг поради проблеми со грбот.
За состојбата на дефанзивецот зборуваше тренерот на „Граѓаните“ Пеп Гвардиола.
- Беше загрижен за грбот. Вчера не се чувствуваше многу добро. Не сакавме да ризикуваме, ќе видиме што ќе се случи во наредните денови.
Самиот фудбалер е оптимист дека ќе биде подготвен до сабота.
- Добро сум. Само што стареам! Ми требаше само дополнителен ден да закрепнам, рече 33-годишниот Вокер.
Манчестер сити в сабота (10 јуни) во Истанбул ќе се соочи со Интер во финалето на Лигата на шампионите. зс/
Фото: ЕПА