ВМРО-ДПМНЕ: Мицкоски оствари средба со претставниците на НДИ
- Денес претседателот на ВМРО-ДПМНЕ проф. д-р Христијан Мицкоски заедно со потпретседателот Тимчо Муцунски, членот на извршниот комитет и портпарол Марија Митева и меѓународниот секретар Стефан
![ВМРО-ДПМНЕ: Мицкоски оствари средба со претставниците на НДИ](https://mia.mk/index.php/images/20221114013049_big_730x400_32.webp )
Скопје, 25 октомври 2022
Денес претседателот на ВМРО-ДПМНЕ проф. д-р Христијан Мицкоски заедно со потпретседателот Тимчо Муцунски, членот на извршниот комитет и портпарол Марија Митева и меѓународниот секретар Стефан Андоновски имавме средба со претставници на Националниот Демократки Институт во Македонија на која присуствуваа Роберт Скот Хeјзлет, виш директор на НДИ Македонија како и Сандра Пепера, директорка на НДИ Програма за род, жени и демократија и Моира Вилан, директорка на НДИ Програмата за демократија и технологија.
Разговаравме за актуелната политичка и економска состојба во Македонија, за надворешната политика која ја води владата и за менаџирањето на институциите и парламентот.
Ја истакнав заложбата која ВМРО-ДПМНЕ ја дава во состојба на економска и енергетска криза, но и во состојба на водење на погрешна надворешната политика, но ја истакнав и потребата од одржување на предвремени парламентарни избори со цел новата влада предводена од ВМРО-ДПМНЕ вистински да се заложи за демократизација на општеството.
Воедно, упативме и благодарност до Националниот демократски институт за континуираната поддршка која ја дава на ВМРО-ДПМНЕ во јакнење на капацитетите на партијата.
Центар за комуникации на ВМРО-ДПМНЕ
_______________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.