Велешанец осомничен за обид за убиство на својата сопруга
- Јавен обвинител од Основното јавно обвинителство Велес денеска донесе наредба за спроведување истражна постапка против 57-годишен велешанец осомниечн дека во текот на вчерашниот ден се обидел
![Велешанец осомничен за обид за убиство на својата сопруга](https://mia.mk/index.php/images/20221105001421_big_730x400_7.webp )
Скопје, 5 ноември 2020 (МИА) - Јавен обвинител од Основното јавно обвинителство Велес денеска донесе наредба за спроведување истражна постапка против 57-годишен велешанец осомниечен дека во текот на вчерашниот ден се обидел да ја лиши од живот својата сопруга при вршење семејно насилство, така што ѝ пришол и со кабел од шина започнал да ја удира по телото.
- Од ударите оштетената паднала на подот. Осомничениот не ѝ дозволувал да стане, туку и се заканувал дека „ќе ја однесе во гробот на мајка ѝ“, „ќе ѝ ја затвори устата така што ќе ѝ ја наполни со крпа“ и дека „ќе ѝ го скрши черепот“. Тој продолжил да ја удира со кабелот по целото тело и престанал дури откако во куќата дошла нивната ќерка. Од ударите што и ги нанесол осомничениот, оштетената добила повеќе повреди по целото тело и скршеница на раката, се вели во соопштението од ОЈО.
До судијата на претходна постапка од Основниот суд во Велес јавниот обвинител достави предлог за определување на мерката притвор спрема осомничениот.
Лицето е осомничено за кривично дело – Убиство од член 123 во врска со член 19 (во обид). аа/бк/