Ташкент, 4 октомври 2024 (МИА) – Бразил и Аргентина ќе играат во финалето на десеттото издание на Светското првенство во футсал кое се одржува во Узбекистан.
Откако Бразил во средата ја победи Украина со 3-2, Аргентина синоќа со истиот резултат ја совлада Франција.
Тоа ќе биде седмо финале за Бразил, кој зад себе има рекордни пет светски титули, додека Аргентина влезе во третото последователно финале, а ќе се обиде по втор пат да стане светски првак.
Иако Бразил и Аргентина имаат освоено вкупно шест титули на светските првенства, ова ќе биде прво финале меѓу двете јужноамерикански репрезентации.
Дуелот за бронзениот медал меѓу Украина и Франција, како и финалето меѓу Бразил и Аргентина ќе се играат на 6 октомври. ег

ФОТО: Фејсбук