Блинкен изрази надеж дека успешна контраофанзива ќе го принуди Путин да преговара за мир
- - Успешната контраофанзива може да направи две работи: да ја зајакне позицијата на Украина на преговарачката маса и да го натера Путин конечно да преговара за крај на оваа војна што тој ја започна, изјави Блинкен на заедничката прес конференција со неговиот италијански колега Антонио Тајани.
![Блинкен изрази надеж дека успешна контраофанзива ќе го принуди Путин да преговара за мир](https://mia.mk/index.php/images/20230613074903_big_730x400_17.webp )
Вашингтон, 13 јуни 2023 (МИА) - Шефот на американската дипломатија Ентони Блинкен изрази надеж дека успешната украинска контраофанзива против руските сили би можела да го принуди рускиот претседател Владимир Путин да преговара за мир.
- Успешната контраофанзива може да направи две работи: да ја зајакне позицијата на Украина на преговарачката маса и да го натера Путин конечно да преговара за крај на оваа војна што тој ја започна, изјави Блинкен на заедничката прес конференција со неговиот италијански колега Антонио Тајани.
- Во таа смисла, може да го доближи мирот, а не да го оддалечи, додаде тој на прес-конференцијата.
Американскиот државен секретар изрази уверување дека украинските сили ќе постигнат напредок бидејќи Киев вчера објави дека вратил неколкусела во источниот регион Доњецк - прва територијална добивка постигната по „контраофанзивата“ спомената претходниот ден од претседателот Володимир Зеленски.
Но, „се уште е рано“ да се каже како ќе се развиваат настаните, додаде дипломатот. ссм/
фото: принтскрин