Берлин, 15 декември 2024 (МИА) – Германската министерка за надворешни работи Аналена Бербок и сојузната министерка за внатрешни работи Ненси Фезер ги предупредија приврзаниците на соборениот сириски претседател Башар ал Асад да не бегаат во Германија.

- Во оваа земја тие ќе бидат целосно одговорни пред законот, рече Бербок за весникот Билд ам Зонтаг.

Фезер се осврна на контролите на безбедносните органи на сите граници и повика на голема претпазливост.

Во 2022 година, Вишиот регионален суд во Кобленц ја донесе првата пресуда во светот за државна тортура во Сирија против двајца службеници на тајните служби, пишува германскиот портал. Еден од нив доби доживотен затвор.

Во САД оваа недела, поранешниот шеф на сириски притвор беше обвинет за тортура. Овој 72-годишник го водел затворот Адра во Дамаск во периодот од 2005 до 2008 година. јт/