Скопје, 12 март 2025 (МИА) - Корисниците од делови од улиците „Богомилски поход“, „Благоја Мучето“, „Тодор Чангов“ и „Ѓорѓе Андреевиќ Кун“ во Општина Аеродром утре од 8 до 15 часот ќе немаат струја поради планирани зафати во електродистрибутивната мрежа.

Регионалниот центар за управување со кризи на Град Скопје, по добиеното известување од ЕВН, информира дека утре од 8:30 до 14 часот без  електрична енергија ќе останат и корисниците од дел од ул. „Беласица“ и дел од ул. „Петричка“ во општина Центар, а од 9 до 11:30 во оваа општина струја ќе немаат и  корисниците од дел од бул. „Партизански одреди“ во околината на Градежниот факултет.

Од 11 до 12 часот утре без електрична енергија ќе бидат и корисниците од дел од ул. „Исаија Маџовски“ и дел од ул. „Воин Драшкоци“ во Општина Ѓорче Петров. хс/ev/

Фото: МИА архива