Барселона се согласи да го пушти Дембеле во ПСЖ без да го вклучи Икарди во зделката
- Барселона е подготвена да го продаде напаѓачот Усман Дембеле на Пари Сен-Жермен пред затворањето на зимскиот преоден рок.
![Барселона се согласи да го пушти Дембеле во ПСЖ без да го вклучи Икарди во зделката](https://mia.mk/index.php/images/20221112040202_big_730x400_17.webp )
Барселона, 31 јануари 2022 (МИА) - Барселона е подготвена да го продаде напаѓачот Усман Дембеле на Пари Сен-Жермен пред затворањето на зимскиот преоден рок.
Според „RAC1“, каталонскиот клуб се согласил на трансферот на 24-годишниот Французин без зделката да опфаќа фудбалери на ПСЖ, вклучувајќи го и напаѓачот Мауро Икарди.
Дембеле оваа сезона за Барселона на 11 натпревари постигна еден гол и имаше две асистенции. Договорот на напаѓачот со каталонскиот клуб е до 30 јуни 2022 година.
Порталот „Transfermarkt“ ја проценува вредноста на Французинот на 30 милиони евра.
Претходно беше објавено дека Барселона за Дембеле барала 20 милиони евра од ПСЖ. зс/