Балак: Вирц дефинитивно може да игра за Реал
- Легендата на германскиот фудбал и поранешен играч на Баер Леверкузен Михаел Балак ги изрази своите впечатоци за младата ѕвезда на „аспирините“ и на Бундеслигата, Флоријан Виртц, кој е избран за играч на сезоната во Бундеслигата
![Балак: Вирц дефинитивно може да игра за Реал](https://mia.mk/index.php/images/20240522201735_big_730x400_43.webp )
Леверкузен, 22 мај 2024 (МИА) - Легендата на германскиот фудбал и поранешен играч на Баер Леверкузен Михаел Балак ги изрази своите впечатоци за младата ѕвезда на „аспирините“ и на Бундеслигата, Флоријан Виртц, кој е избран за играч на сезоната во Бундеслигата.
По неговиот импресивен настап со Леверкузен, со кој стана германски шампион, Вирц стана интересен на голем број гиганти, а Балак верува дека напаѓачот е подготвен да се пресели во Реал Мадрид.
-Вирц е подготвен за Реал Мадрид. Кога станува збор за фудбалот, Вирц дефинитивно може да игра за Реал. Тоа можете да го видите и во Џуд Белингем по неговата преселба од Борусија Дортмунд таму - кога играте со уште подобри играчи, станувате уште подобар, прокоментира Балак во интервју за германскиот весник „Спорт Билд“.
И покрај сите шпекулации, Вирц има договор со Баер до јуни 2027 година, а неговата желба е да остане на БајАрена.
Во тековната кампања има 18 гола и 20 асистенции во 47 натпревари со тимот на „аспирините“ кои ги чека финале во Лига Европа и Купот на Германија. дс
Фото: Принтскрин