Арсовска на увид во градежни активности за реконструкција на водоводната мрежа во Љубанци
- СООПШТЕНИЕ/ Градоначалничката на Град Скопје, Данела Арсовска, заедно со екипи од ЈП „Водовод и канализација“, извршиле увид во градежните активности за реконструкцијата на водоводната мрежа во населеното место Љубанци во општина Бутел, соопшти прес - службата на Град Скопје.
![Арсовска на увид во градежни активности за реконструкција на водоводната мрежа во Љубанци](https://mia.mk/index.php/images/20240305163623_big_730x400_42.webp )
Скопје, 5 март 2024 (МИА) - Градоначалничката на Град Скопје, Данела Арсовска, заедно со екипи од ЈП „Водовод и канализација“, извршиле увид во градежните активности за реконструкцијата на водоводната мрежа во населеното место Љубанци во општина Бутел, соопшти денеска прес - службата на Град Скопје.
Градежните активности, како што се појаснува во соопштението, на терен опфаќаат реконструкција на водоводна мрежа на улицата 1 во Љубанци, со нови приклучоци на градската водоводна мрежа, а со реализацијата на овој инфраструктурен проект, жителите добиваат поквалитетно водоснабдување.
- Градот Скопје континуирано работи на мрежата за водоснабдувањето согласно предвидените проекти од програмата „За модерно Скопје“, каде што решавањето на предизвиците и реализација на барањата на граѓаните во делот на подземната инфраструктура се важен сегмент, се додава во соопштението. цр/лв/
Фото: Град Скопје