Арсенал го претстави холандското засилување Тимбер
- Холандскиот фудбалер Јуриен Тимбер е нов играч на Арсенал, потврди англискиот вицешампион.
![Арсенал го претстави холандското засилување Тимбер](https://mia.mk/index.php/images/20230715130636_big_730x400_94.webp )
Лондон, 15 јули 2023 (МИА) – Холандскиот фудбалер Јуриен Тимбер е нов играч на Арсенал, потврди англискиот вицешампион.
Во соопштението на лондонскиот клуб се наведува дека Тимбер потпишал „долгорочен договор“, чие времетраење не е прецизирано.
Тимбер во Арсенал доаѓа од Ајакс, а холандскиот клуб, од своја страна, соопшти дека премиерлигашот платил обесштетување од 40 милиони евра, плус пет милиони евра во бонуси, за услугите на 22-годишниот фудбалер.
Тимбер во дресот на Ајакс освои две холандски титули (2021, 2022), а за холандската репрезентација има пет настапи. ег/паг/
Фото: Фејсбук