Алијансата за Албанците: Посветено ќе продолжиме да се залагаме за укинување на формулацијата „20 проценти“ од Уставот
- Алијансата за Албанците е посветена и ќе продолжи да се залага и во иднина да го реши и отстрани овој наратив за Албанците, истакнуваат од партијата преку соопштение во врска со формулацијата
![Алијансата за Албанците: Посветено ќе продолжиме да се залагаме за укинување на формулацијата „20 проценти“ од Уставот](https://mia.mk/index.php/images/20221114015906_big_730x400_47.webp )
Скопје, 31 октомври 2022 (МИА) - Алијансата за Албанците е посветена и ќе продолжи да се залага и во иднина да го реши и отстрани овој наратив за Албанците, истакнуваат од партијата преку соопштение во врска со формулацијата „јазик што го зборуваат над 20 отсто од населението“ и да стои само албански јазик.
Од партијата посочуваат дека в.д. претседателот Арбен Таравари ги повикал сите партии да седнат на маса.
- Ние бевме и сме за соработка со сите политички партии со единствена цел да го решиме овој проблем. в.д. претседателот на АА, Арбен Таравари, ги повика сите партии да седнат на маса и ние сме подготвени да седнеме ден поскоро, кога сите ќе бидат подготвени, велат од Алијансата за Албанците. фф/нд/