Тетово, 17 март 2025 (МИА) - Претставници на партијата Алијанса за Албанците (АА) на претседателот Арбен Таравари оддадоа почит за загинатите во Кочани на плоштадот во Тетово со минута молк и положување цвеќе. 

Од таму велат дека длабока болка и почит изразуваат поддршка за семејствата кои се соочуваат со големата загуба.

-Оваа трагедија нè погоди сите. Без разлика на нашата припадност или јазикот што го зборуваме, денес нè обединува тагата и споменот за оние кои повеќе не се меѓу нас. Нашите срца се натажени, но и обединети во солидарност, се вели во соопштението на партијата.

Во останатиот дел од соопштението од партијата велат дека нивните мисли и молитви се со семејствата на жртвите и повредените. Тие не се сами – заедно ја споделуваме болката и силата за да ја пребродиме оваа загуба, велат од АА.ас/

Фото: АА