Moskë, 19 nëntor 2024 (MIA) - Ministria e Mbrojtjes e Rusisë sot kumtoi se Ukraina ka gjuajtur gjashtë raketa balistike amerikane "ATAKMS" (ATCMS) ndaj rajonit rus, Bërjansk, i cili gjendet 400 kilometra në jug të Moskës.

Në kumtesë, Ministria njoftoi se "sistemi raketor rus 'Pancir' mbrëmë ka rrëzuar pesë raketa, ndërsa një u dëmtua".

Pjesë të raketës kanë rënë në rajonin e një objekti ushtarak, kumtoi Ministria, pa saktësuar se për cilin objekt bëhet fjalë.

Ky publikim vijon dy ditë pas vendimit të Uashingtonit që ta heqë ndalesën për Ukrainën për përdorimin e raketave amerikane me rreze veprimi të gjatë për sulme ndaj objektivave në Rusi.

"Do të vazhdojmë me shkatërrimin e depove me armë të forcave okupatore ruse, me qëllim që t'i jepet fund pushtimit të armatosur rus ndaj Ukrainës" thuhet në kumtesën e Shtatmadhorisë ukrainase. bsh/

Foto: Printskrin