Барселона, 7 февруари 2025 (МИА) - Тренерот на Барселона, Ханси Флик, ги пофали своите играчи по нивната уникатна победа од 5:0 над Валенсија и пласманот во полуфиналето на Кралскиот куп. Барса оваа сезона веќе постигна 109 гола на 35 натпревари.

-Многу сум задоволен од тоа како се претставивме. Почнавме силно и создадовме многу шанси. Ова е стилот на игра што сакаме да го видиме. Секогаш барам да делуваме динамично. Ние сме млада екипа и гладни сме за победи. Се стремиме да постигнеме многу голови - тоа е дел од нашиот стил и нашето разбирање за фудбалот. Сепак, понекогаш морам да барам од играчите да бидат повнимателни во последните минути од натпреварите и да ја контролираат ситуацијата на теренот, истакна Германецот.

За критиките за Шчесни, Флик рече дека голманот е во тимот со задача да прими што помалку голови.

-Тој ни дава мир и доверба. Прекрасен фудбалер. Денеска не доби гол и тоа е многу важно. Педри? За него нема многу што да се каже, бидејќи очигледно е дека зборуваме за импресивен фудбалер. Тој несомнено е меѓу најдобрите на својата позиција. Педри навистина сака да игра фудбал, додаде Флик. дс

Фото: Архива