Скопје, 24 ноември 2025 (МИА) - Австралиската амбасада во Белград, која ги покрива исто така и Македонија и Црна Гора,  во соработка со Кинотеката на Македонија, на 28 и 29 ноември организира дводеневен Фестивал на австралиски филм.

Како што соопшти Кинотеката, настанот се организира по повод 30-годишнината од воспоставувањето дипломатски односи меѓу Австралија и Македонија.

Во Кинотеката в петок, 28 ноември од 20 часот, ќе биде прикажан филмот  „Домаќинство за почетници“ (Housekeeping for Beginners)  од 2023-та на македонско-австралискиот режисер Горан Столевски, а наредниот ден ќе следува проекција на комедијата „Дворска пепел“ (Backyard Ashes) од 2013 година, во режија на Марк Грентел. хс/вј/

Фото: Кинотека на Македонија