Братислава, 6 февруари 2025 (МИА) - Словачката гасна компанија СПП (SPP) од 1 февруари започна со увоз на руски гас преку гасоводот „Турски тек“, а се очекува од април испораките двојно да се зголемат, изјави денеска претседателот на компанијата Војтех Ференц, објавија локалните медиуми.

-Компанијата не планира да го раскине договорот со руската групација „Газпром“, што трае до 2034 година, изјави Ференц за веб-страницата на весникот Деник Н.

Извозот на руски гас преку цевководи од советската ера низ Украина престана на 1 јануари откако Киев одби да го обнови транзитниот договор со Москва.

Словачка и Унгарија побараа да се продолжи.

Словачкиот премиер Роберт Фицо минатиот месец изјави дека рускиот претседател Владимир Путин и ветил на Словачка дека „Газпром“ ќе најде алтернативни начини за снабдување со договорениот гас.сд/

фото:МИА архива