Од дождот проблеми и во општината Чешиново - Облешево
Кочани, 28 ноември 2025 (МИА) - Водата во реките, во каналската мрежа и одводните канали во Кочанско после дождовите што наврнаа оваа недела, достигнува до критично ниво.
Во селото Спанчево, Општина Чешиново- Облешево, уште од ноќеска се присутни припадници на ТППЕ од Кочани, денескана теренот се и работници на Водостопанство „Брегалница“ со механизација, екипи на ЈПКД „Облешево“, членови на Доброволното против-пожарно друштво. Тие се во координација со градоначалникот на Општината, Јорданчо Костадинов и внимателно ја следат состојбата.
Најкритично е во селото Спанчево, каде Спанчевска Река е на преливна точка на мостот во ова населено место. На места водата се излева во дворови од куќи на локалните жители.
Се преземаат континуирани активности состојбата да се задржи под контрола и да спречат поголеми последици. ис/дма/
Фото: МИА
