Исламабад, 11 ноември 2025 (МИА) - Најмалку шест лица загинаа, а над десетина други беа повредени кога силна експлозија го погоди северниот дел од главниот град на Пакистан денеска, соопштија безбедносни извори.

-Петнаесет лица беа повредени во експлозијата, изјави Шарифулах Кан, портпарол на полицијата во Исламабад.

Експлозијата предизвика паника додека безбедносните сили ја затворија областа, предизвикувајќи сообраќај на клучните патишта. Амбулантни возила и полиција се упатија кон местото на настанот.

Природата на експлозијата сè уште не е јасна. Тимови за деактивирање бомби и форензичка истрага го испитуваат местото, рече Кан.

Локалните медиуми објавија дека можеби станува збор за самоубиствен напад.

Очевидецот Рустам Малик изјави за ДПА: „Бевме во судот кога слушнавме оглушувачка експлозија. Сите се исплашија и луѓето почнаа да трчаат во сите правци. Беше застрашувачка сцена, а хаосот избувна веднаш по експлозијата“. мс/

фото: МИА архива