Харков, 19 ноември 2025 (МИА) - Најмалку 20 лица, меѓу кои и две деца, се убиени, а 66 ранети во денешните руски воздушни напади врз цели во западна Украина, покажува новиот официјален биланс.

Русите во масовните напади употребиле 476 беспилотни летала и 48 ракети, наведуваат украинските воздухопловни сили. Од нив украинската армија соборила 442 дронови и 41 ракета.

Нападите особено биле насочени кон западните региони на Украина - Лвов, Ивано-Франковск и Тернопол.

Во Тернопол, најмалку 20 лица загинаа, меѓу кои и две деца, а 66 беа ранети, според најновите податоци од спасувачките служби.

Во бомбардирањето „се оштетени станбени згради, индустриски објекти и магацини“ и се предизвикани „пожари од големи размери“, објави украинското Министерство за внатрешни работи.

Украинскиот претседател, Володимир Зеленски, денеска е во Турција во обид да ги „оживее“ мировните преговори со Русија.

Во Анкара Зеленски ќе се сретне со турскиот претседател Реџеп Таип Ердоган, а според француските медиуми  потенцијално и со американскиот претставник Стив Виткоф, кој се уште не го потврди своето учество.сд/

фото:МИА архива