Скопје, 12 февруари 2025 (МИА) - Kнигата „Креативност во работа со деца“ на проф. д-р Виолета Арнаудова, д-р Фросина Денкова Зафировска и проф. д-р Софија Георгиевска, ќе биде промовирана денеска во Домот на култура „Биљана Беличанец“ во Кисела Вода.

Настанот ќе го отворат проф. д-р Оливер Бакрески, декан на Филозофскиот факултет, а промотор ќе биде проф. д-р Ратко Дуев. Изданието е на Филозофскиот факултет од Скопје.

Книгата претставува значаен придонес во развојот на воспитно-образовниот процес, нудејќи практични методи и стратегии за поттикнување на креативноста кај децата.

Настанот вклучува промоција на книгата, дискусија со авторките и панел-дискусија со истакнати експерти. дма/бак/

Фото: Плакат