Скопје, 13 ноември 2025 (МИА) – Македонската фудбалска репрезентација вечер ја пречекува Летонија во контролен натпревар. За селекторот Благоја Милевски овој дуел ќе биде можност за проверка пред гостувањето кај Велс.

-Ќе се обидеме да испробаме некои поинакви опции, како на тактички план, а и да видиме физички во каква состојба се сите фудбалери. Летонија е квалитетна селекција, а победа секогаш е во нашите мисли. Секој натпревар е важен. На овој меч сакам да ја видам и пошироката слика на Македонија, мораме да размислуваме и за иднината, изјави Милевски.

Натпреварот ќе се игра на Национална арена „Тодор Проески“ во Скопје со почеток во 18 часот. 

Фудбалската федерација на Македонија одлучи влезот да биде бесплатен. зс/

Фото: ФФМ