Иранскиот врховен лидер Хамнеи ги критикува разговорите со САД, но не ги исклучува
Дубаи, 7 февруари 2025 (МИА) - Иранскиот врховен водач, ајатолахот Али Хамнеи денеска изјави дека преговорите со САД „не се паметни, мудри или чесни“, откако американскиот претседател Доналд Трамп предложи можност за преговори со Техеран.
Ајатолахот Хамнеи исто така сугерираше дека „не треба да има преговори со таква влада“, но тој избегна да издаде директна наредба.
Неговата изјава пред офицерите на воздухопловните сили во Техеран беше во спротивност со претходните што ги отворија вратите за разговори.
Претходно, 85-годишниот Хамнеи беше внимателен да ги искаже своите приговори за преговорите со Западот. мс/
фото: ЕПА
