Рим, 18 ноември 2025 (МИА) - Две лица загинаа во Северна Италија откако обилните дождови предизвикаа лизгања на земјиштето, соопштија денеска локалните власти.

Една од жртвите е 32-годишен Германец кој се преселил во селото Брацано ди Кормонс пред неколку месеци. Таму, спасувачките тимови го извлекоа и телото на 83-годишна жена од куќата затрупана со кал, соопшти противпожарната служба.

Регионот деновиве е зафатен од интензивни врнежи, што предизвика поплавување на улици и подруми. Три куќи во Брацано се уништени од лизгања на земјиштето. ссм/

фото: ЕПА