Данска со убедлив триумф над Бразил избори учество во полуфиналето на ракометниот Мундијал
- Репрезентацијата на Данска е третиот полуфиналист на 29. Светско првенство во ракомет.

Осло, 29 јануари 2025 (МИА) – Репрезентацијата на Данска е третиот полуфиналист на 29. Светско првенство во ракомет.
Данците вечерва во Осло на убедлив начин ја совладаа селекцијата на Бразил со 33:21 во претпоследното четвртфинале.
Со оваа победа, Данска ја продолжи серијата од 35 мундијалски натпревари без пораз.
Противник на Данска во полуфиналето ќе биде поуспешниот од натпреварот Португалија – Германија (вечер 20:30 часот).
Првата полуфинална двојка ја сочинуваат Франција и Хрватска.
Последните три титули на Светските првенства (2019, 2021 и 2023 година) ги освои данската репрезентација. зс/
Фото: ЕПА