Дебар, 2 ноември 2025 (МИА) - Изборниот тек од вториот круг на локалните избори во Дебар се одвива нормално, со зголемена излезност на граѓаните, кои го остваруваат нивното граѓанско право, изјави за МИА, Рилинд Хаса, претседател на ОИК.

-Членовите на комисијата редовно ги посетуваат 27. гласачки места и до сега процесот се одвива тековно, без проблеми. До 11 часот правото на глас го искористиле 1321 лице или 7 отсто, од вкупно запишаните 19762 во единствениот избирачки список. Споредено со првиот круг, кога гласаа 981 лица или 5 отсто од вкупно запишаните, денеска процентот на излезност е за 2 отсто повисок, додаде Хаса.

Сепак споредено со вториот круг на гласање за градоначалник во ноември 2021 година, процентот на излезност е помал за 3,2 отсто. вт/вј/

Фото: МИА