Kiev, 18 shkurt 2026 (MIA) - Populli ukrainas do të refuzojë një marrëveshje paqësore me të cilën forcat e Kievit do të tërhiqen nga rajoni lindor Donbas dhe do t'ia dorëzojnë atë Rusisë, thotë Presidenti Volodimir Zelenski në një intervistë me ueb-faqen amerikane "Aksios".

Përfaqësues të Kievit, Moskës dhe Uashingtonit dje zhvilluan një raund tjetër bisedimesh në Gjenevë për t'i dhënë fund konfliktit. 

Rajoni Donbas, 10 për qind e të cilit është ende nën kontrollin e Ukrainës, mbetet një pikë e rëndësishme pengese në bisedimet, vuri në dukje "Aksios".

Presidenti ukrainas në intervistën e tij tha se ndërmjetësit amerikanë Stiv Uitkof dhe Xhared Kushner i thanë se Rusia me të vërtetë dëshiron t'i japë fund luftës dhe se ai duhet të koordinojnë ekipin e tij negociator bazuar në këtë. 

Megjithatë, Zelenski ka treguar qartë një pikëpamje më pesimiste, komentuan mediat amerikane. Ai e këshilloi Uitkofin dhe Kushnerin të mos përpiqen ta detyrojnë të paraqesë një vizion paqeje që populli i tij do ta perceptojë si "të dështuar". Lideri ukrainas tha se është "e padrejtë" që Presidenti Donald Tramp t'i bënte thirrje publikisht Ukrainës, jo Rusisë, të bëjë lëshime për të arritur paqe.

Zelenski tha se megjithëse do të ishte më e lehtë për Trampin të ushtrojë presion mbi Ukrainës sesa mbi Rusinë shumë më të madhe, mënyra për të arritur paqe të qëndrueshme nuk është "t'i jepet fitorja" presidentit rus, Vladimir Putin. ls/

Foto: Arkivi i MIA-s