Kiev, 27 janar 2026 (MIA) - Presidenti ukrainas Volodimir Zelenski ka përsëritur sot qëllimin e tij që Ukraina të bëhet anëtare e Bashkimit Evropian deri në vitin 2027, pavarësisht skepticizmit nga disa qeveri të shteteve anëtare të BE-së në lidhje me një afat kohor kaq të përshpejtuar.

"Anëtarësimi i Ukrainës në Bashkimin Evropian është një nga garancitë kryesore të sigurisë, jo vetëm për ne, por edhe për gjithë Evropën", shkroi Zelenski në Telegram.

"Forca kolektive e Evropës është e mundur, ndër të tjera falë kontributit të sigurisë, teknologjisë dhe ekonomisë së Ukrainës", shtoi ai.

Zelenski e bëri njoftimin pas bisedës telefonike me kancelarin austriak, Kristijan Shtoker të zhvilluar sot.

Ukraina është kandidate zyrtare për anëtarësim në BE që nga viti 2022, ndërsa negociatat qasëse kanë filluar zyrtarisht.

Presidenti ukrainas pranoi se për momentin nuk ka parashikime për një procedurë të përshpejtuar dhe se proceset e zgjerimit të BE-së tradicionalisht zgjasin shumë, por theksoi se Kievi vazhdon të konsiderojë në mbështetjen e partnerëve të tij.

Foto: DPA