Vezët e ziera pa lëvozhgë janë një gatim i thjeshtë por elegant që e kanë origjinën nga kuzhina evropiane. Ato përgatiten pa vaj ose skuqje, duke i bërë ato një zgjedhje të lehtë dhe të shëndetshme për mëngjes ose shujtë të lehtë. Ato karakterizohen nga të bardhat e buta dhe të verdhat e lëngshme, të cilat derdhen kur priten dhe u japin shije të pasur.
 

Përbërësit:

2 vezë të freskëta

1 litër ujë

1 lugë gjelle uthull (alkoolike ose me uthull molle)

Kripë sipas shijes

Mënyra e  përgatitjes:

Në një tenxhere mesatare, vloni ujin, pastaj ulni nxehtësinë në zierje të ngadaltë (vetëm disa flluska të lehta). Shtoni uthullën në ujë. Kjo ndihmon që të bardhat të ngurtësohen më shpejt rreth të verdhat e vezëve. Thyejeni me kujdes çdo vezë në një enë ose filxhan të vogël. Duke përdorur lugën, krijoni vorbull të lehtë në ujë, pastaj lëshoni vezën ngadal në qendër të vorbullës. Ziejeni vezën për rreth 2-3 minuta për të verdhë veze të lëngshme, ose 4 minuta për një të verdhë veze më të fortë. Hiqeni vezën me  lugë me vrima dhe lëreni të kullojë pak. Kriposni sipas shijes dhe shërbejini menjëherë. Ne i servojmë me bukë të thara ne toster ose furë, me krem ​​avokadoje dhe mikro-zarzavate sipër, për mëngjes.

Këshilla:

Përdorni vezë shumë të freskëta për formë më të mirë.

Mos e lini ujin të vlojë shumë - kjo mund ta shpërndajë vezën.

Foto: Freepik