Sallata me shtresa është një parahaje e ftohtë që shpesh përgatitet për festa dhe raste solemne. Dallohet nga salca kremoze, e cila i jep shije të plotë dhe freskuese

Përbërësit:

400 gram ajkë

200 gram majonezë

1 patate 1 karotë

200 gram proshutë

3 kastraveca turshi

4 vezë të ziera

kripë

piper

Përgatitja:

Përzieni ajkën me majonez, shtoni kripë dhe pak piper sipas dëshirës. Ziejini patatet dhe karotat dhe lërini të ftohen. Bëni të njëjtën gjë me vezët. Në një enë të thellë ose në forma më të vogla, renditini përbërësit në shtresa sipas renditjes së mëposhtme:

Së pari, disa lugë gjelle nga përzierja e ajkës dhe majonezës, pastaj patate të grira trashë (shtoni kripë dhe piper), sërish shtresë tjetër ajkë dhe majonezë, tranguj turshi të grira dhe të kulluara, shtresë tjetër ajkë dhe majonezë, pastaj karrota të grira trashë (shtoni kripë), një shtresë ajkë dhe majonezë, proshutë e grirë, ajkë dhe majonezë dhe të bardha vezësh të grira (shtoni kripë dhe shtoni pak piper), përfundoni me një shtresë ajkë dhe majonezë. Në fund, spërkatni sipër të verdhat e vezëve të grira imët. Dekoroni sipas dëshirës.

Foto: Freepik