Ramallah, 16 janar 2026 (MIA) – Ushtarët izraelitë qëlluan për vdekje një adoleshent palestinez në Bregun Perëndimor, i cili po vraponte drejt tyre me gur dhe përbënte “kërcënim të menjëhershëm”, kumtoi sot ushtria.

Ushtarët hapën zjarr të drejtpërdrejtë pasi djali, i përshkruar si "terrorist", injoroi të shtënat paralajmëruese në një incident pranë fshatit Al-Mugajir në afërsi të Ramallahut, sipas ushtrisë izraelite.

Палестинското Министерство за здравство во Рамала соопшти дека жртвата имала 14 години.

Ministria palestineze e Shëndetësisë në Ramallah kumtoi se viktima kishte 14 vjet.

Banorët palestinezë të fshatit shkruan në ueb-faqen e tyre se ushtarët qëlluan djalin pa asnjë provokim.

Agjencia palestineze e lajmeve WAFA njoftoi për përleshje midis fshatarëve dhe forcave izraelite, të cilat kulmuan me të shtënat fatale. Sipas WAFA-s, kolonët izraelitë kishin hyrë më parë në një zonë në jug të fshatit dhe kishin qëlluar mbi banorët dhe pronat e tyre.

Ushtria kumtoi se palestinezët fillimisht hodhën gurë ndaj kolonëve izraelitë, dogjën goma dhe bllokuan rrugët e hyrjes.

Si përgjigje ndaj kësaj, në zonë u dërguan ushtarë, deklaroi një zëdhënëse për DPA-në. Pas mbërritjes së tyre, dhjetëra palestinezë hodhën më shumë gurë, gjë që shkaktoi të shtëna në ajër për paralajmërim dhe më pas "të shtëna për të eliminuar terroristin".

Forcat izraelite po kërkojnë personat e përfshirë në incident, tha zëdhënësja.

Informacionet e dhëna nga të dyja palët aktualisht nuk mund të verifikohet në mënyrë të pavarur. ls/

Foto: EPA