Hong-Kong, 26 nëntor 2025 (MIA) - Numri i të vdekurve nga zjarri masiv që përfshiu kompleksin e rrokaqiejve në Hong-Kong është rritur në 36, njoftoi sonte prefekti Xhon Li.

Të paktën 279 persona rezultojnë ende të zhdukur, shtoi ai, ndërsa dhjetëra janë shtruar në spital.

"Deri më tani, zjarri ka shkaktuar vdekjen e 36 personave dhe 279 konsiderohen të zhdukur. Edhe 29 persona të tjerë janë shtruar në spital, shtatë prej të cilëve janë në gjendje kritike", tha Li në një konferencë për shtyp sonte.

Zjarri shpërtheu në qarkun Tai Po, në veri të Hong-Kongut.

Zjarrfikësit luftuan me flakët për orë të tëra në Vang Fuk Kort, një kompleks shumëkatësh në Hong-Kong me më shumë se 2.000 banesa.

Rreth 300.000 njerëz jetojnë në Qarkun Tai Po, i cili ndodhet përgjatë kufirit me Kinën.

Transmetuesi lokal TVB raportoi se kompleksi po i nënshtrohet një rindërtimi të gjerë, duke përdorur skela bambuje. mb/

Foto: X