Manilë, 26 janar 2026 (MIA) - Një traget që transportonte më shumë se 350 persona është fundosur në Filipinet jugore, ndërsa ekipet e shpëtimit kanë nxjerrë 316 persona dhe 15 trupa të pajetë.

Trageti "Trisha Kerstin 3" ka lundruar nga qyteti Zamboanga drejt ishullit jugor Holo në provincën Sulu me 332 udhëtarë dhe 27 anëtarë të ekuipazhit dhe u fundos rreth dy kilometra larg bregdetit.

Misioni i shpëtimit përfshin anije të rojes bregdetare, marinën, një aeroplan mbikëqyrës, një helikopter dhe anije peshkimi.

Aksidentet detare janë relativisht të zakonshme në Filipine për shkak të stuhive të shpeshta, anijeve të mos mirëmbajtura, mbingarkesës dhe zbatimit të dobët të rregulloreve. Në dhjetor të vitit 1987, trageti Dona Paz u fundos pasi u përplas me një anije cisternë në Filipine, duke lënë të vdekur më shumë se 4.300 persona. Kjo është katastrofa më e madhe detare në kohë paqeje në histori. mb/

Foto: MIA