Uashington, 28 janar 2026 (MIA) - Presidenti i ShBA-së Donald Trampi dje deklaroi se Kuba socialiste po shkon drejt shkatërrimit.

 "Kuba është me të vërtetë një komb që është shumë pranë shktërrimit. Vendi socialist i Karaibeve më parë merrte paratë dhe naftën nga Venezuela. Por, nuk merr më", theksoi Trampi gjatë një vizite në shtetin amerikan të Ajovës.

 Pasi  në fillim të vitit forcat amerikane e arrestuan presidentin Venezuelian Nikolas Maduro, administrata e Trampit ka ashpërsuar retorikën kundër qeverisë komuniste të Kubës.

 Trampi i bëri thirrje Kubës të bëjë një marrëveshje "para se të jetë tepër vonë".

 Marrëdhëniet midis Havanës dhe Uashingtonit janë të tensionuara për dekada. Kuba tani po përballet me krizën e saj më të keqe ekonomike që nga revolucioni i Fidel Kastros në vitin 1959 dhe po përballet me mungesa të karburantit.

 Edhe pse furnizimet me naftë të Venezuelës kanë rënë vitet e fundit dhe po plotësohen nga Rusia dhe Meksika, ekonomia kubane mund të shembet plotësisht nëse ShBA-ja ndërpret plotësisht naftën e Venezuelës për Kubën.

 Foto: Arkivi i MIA-s