Uashington, 2 janar 2026 (MIA) - Presidenti amerikan Donald Tramp deklaroi sot se nëse Irani vazhdon t'i "qëllojë" dhe "vrasë" protestuesit, SHBA-ja "do t'i shpëtojë".

"Jemi të përgatitur të veprojmë", tha kreu i shtetit në një postim në platformën e tij të mediave sociale, Truth Social.

Më herët sot, protestat në rritje, të nxitura nga përkeqësimi i situatës ekonomike të Iranit, u përhapën në zonat rurale të Republikës Islamike dhe numri i të vdekurve në përleshje arriti të paktën në shtatë.

Të hënën, gjatë një takimi me kryeministrin izraelit Benjamin Netanjahu në rezidencën e tij në Florida, Tramp tha se do të mbështeste sulme të reja amerikane ndaj Iranit nëse vendi aziatik do të vazhdonte programet e tij të raketave balistike ose armëve bërthamore.

Ndërkohë, presidenti iranian Masud Pazeshkijan tha se përgjigja e Teheranit ndaj çdo agresioni do të ishte "e ashpër" dhe "parandaluese". mb/

Foto: EPA