Teheran, 15 janar 2026 (MIA) - Hapësira ajrore iraniane është rihapur pasi ka qenë e mbyllur për gati pesë orë, duke shkaktuar anulimin, vonesën ose devijimin e një numri të madh fluturimesh.

Irani dje e mbylli hapësirën e tij ajrore, përveç fluturimeve ndërkombëtare, të cilat mund të realozoheshin vetëm me leje zyrtare. 

Që nga dje, një numër vendesh i kanë paralajmëruar qytetarët e tyre të shmangin udhëtimet për në Iran ose të largohen menjëherë nga vendi. 

 Presidenti amerikan  Donald Trampi, dje u bëri thirrje amerikanëve të largohen nga Irani, ndërsa disa personel në bazën ushtarake amerikane në Katar u tërhoqën si një "masë kujdesi".

 Qeveria e Katarit, pas tërheqjes së një pjese të personelit nga baza ushtarake amerikane në Al Udeid, bëri të ditur se "vazhdon të zbatojë të gjitha masat e nevojshme për mbrojtjen dhe sigurinë e qytetarëve të saj".

Ministria e Punëve të Jashtme e Italisë u bëri thirrje qytetarëve të saj të largohen nga Irani dhe tha se po merr masa për të mbrojtur trupat e saj në Lindjen e Mesme, përfshirë Irakun dhe Kuvajtin. 

 Ndërsa Gjermania i këshilloi kompanitë ajrore të shmangnin hapësirën ajrore iraniane për shkak të përdorimit të mundshëm të "armëve kundërajrore".

 Britania e Madhe përkohësisht e mbylli Ambasadën në Teheran dhe e tërhoqi të gjithë personelin nga Irani.

Edhe Spanja dhe India gjithashtu  rekomanduan qytetarët e tyre të shmangin udhëtimet në Iran. 

Foto: Arkivi i MIA-s