Damask, 8 janar 2026 (MIA) - Së paku nëntë persona e humbën jetën, ndërsa 55 janë lënduar gjatë granatimit të qytetit sirian Alepo, kumtoi sot Ministria siriane e Shëndetësisë.

Lagjet Ashrafia dhe Sheik Maksud tashmë ditën e ttretë janë granatuar nga Forcat demokratike siriane kurde (SDF).

Komandanti i SDF-së, Mazllum Abdi deklaroi se sistemimi i tankeve dhe artilerisë në lagjet e Alepos, si dhe tentimet për invazion ndaj pjesëve kurde të qytetit gjatë negociatave, i minojnë gjasat për arritje të marrëveshjes.

Ndërkohë, një funksionar i Ministrisë turke të Mbrojtjes deklaroi se armata turke është e gatshme ta "mbështesë" Sirinë në luftën e saj kundër luftëtarëve të SDF-së nëse Damasku kërkon ndihmë.

Turqia e konsideron SDF-në "organizatë terroriste" për shkak të lidhjes me Partinë punëtore kurde (PKK), e cila zhvillon konflikt shumëvjeçar në territorin e saj, edhe pse tani në rrjedhë është procesi paqësor.

Luftimet detyruan, sipas përfaqësuesve qeveritarë, rreth dy tët retat e civilëve t'i braktisin shtëpitë, ndërkaq vlerësohet se mbi 100.000 njerëz janë robëruar në zonën e konfliktit.

Burime qeveritare siriane theksuan se nuk ka negociata të drejtpërdrejta mes SDF-së dhe Qeverisë dhe se delegacioni turk dhe amerikan po tentojnë të ndërmjetësojnë mes dy palëve për deeskalim. ab/

fotо: МIА arkivi