Shkup, 7 korrik 2024 (MIA) - Sot është Dita botërore e çokollatës - dita kur festohet të gjitha llojet e produketeve të bëra nga çokollata, përfshirë qumështin me çokollatë, çokollatën e nxehtë, bonbonat nga çokollata, bare çokollate dhe torte, kollaçe ose çfarë do gjëjë që është e mbuluar me çokollatë.

Sipas kalendarit të ditëve botërore, nëntë në dhjetë njerëz pëlqejnë çokollatën, ndërsa rreth 1 miliard njerëz hanë çokollatë çdo ditë.

Çokollata përftohet nga farat e pemës tropikale Teobroma (Theobroma cacao). Kakaoja kultivohet për të paktën tre mijëvjeçarë dhe rritet në Meksikë, Amerikën qendrore, veriore dhe jugore. Dokumentacioni më i hershëm i njohur për përdorimin e kokrrave të kakaos është rreth vitit 1100 para Krishtit, ndërsa u soll në Evropë në 1550.

Për shkak se kokrrat e drurit të kakaos kanë një aromë shumë intensive, të hidhur, ato duhet të fermentohen për të zhvilluar shijen. Pas fermentimit, përpunuesit i thajnë, pastrojnë dhe pjekin kokrrat. Pas pjekjes, lëvozhga hiqet për të marrë thumba kakao, të cilat më pas kalojnë një proces bluarjeje për të krijuar masë kakao, e cila është çokollatë e pastër në formë të trashë.

Përveç faktit që çokollata ka një shije kaq të mirë, ka edhe disa përfitime shëndetësore të çokollatës. Çokollata rrit nivelet e serotoninës dhe dopaminës, të cilat ndihmojnë në rritjen e humorit. Çokollata e zezë gjithashtu mund të jetë veçanërisht e mirë për ju. Çokollata e zezë është një burim i fuqishëm i antioksidantëve, plus ajo ndihmon në përmirësimin e qarkullimit të gjakut, uljen e presionit të gjakut dhe zvogëlimin e rrezikut të sëmundjeve të zemrës.

Në maj të vitit 2024, çmimi me pakicë i kakaos dhe pluhurit të çokollatës në BE ishte për 6,3 për qind më i lartë se në maj 2023, sipas të dhënave të Eurostat, sipas të cilave çmimi i kakaos dhe çokollatës pluhur tashmë është rritur që nga fillimi në 2022 me një normë vjetore të inflacionit mbi dhjetë për qind. ls/

Foto: Arkivi i MIA-s