Liverpul, 20 dhjetor 2025 (MIA) – Mesfushori i Liverpulit, Kurtis Xhons, deklaroi se sulmuesi Mohamed Sallah u ka kërkuar falje shokëve të ekipit për intervistën e tij ku ai kritikoi klubin dhe trajnerin Arne Slot pas barazimit 3-3 me Lidsin.

"Mo është njeriu vet dhe mund ta thotë atë që mendon. Ai na kërkoi falje dhe tha: Nëse kam ofenduar dikë ose kam bërë dikë të ndjehet jo këndshëm, kërkoj falje. Ai është një person i tillë. Mund të flas vetëm nga ajo që di për Mo, si na trajton dhe si u soll. Ai ishte pozitiv. Mendoj se është thjesht pjesë e dëshirës për të qenë fitues", deklaroi Xhons për "Skaj sports".

Egjiptiani (33-vjeçar) u la jashtë skuadrës së Liverpulit për ndeshjen e Ligës së kampionëve kundër Interit më 9 dhjetor. Lojtari e akuzoi klubin për tradhti dhe se marrëdhënia e tij me Slotin ishte përkeqësuar.

Foto: EPA