Shkup, 31 janar 2025 (MIA) - Vlerësimet janë se do të shkurtohen mjetet për organizatat joqeveritare në vend për rreth 12 milionë dollarë dhe për të gjithë ata që kanë punuar në projektet e mbështetura nga administrata amerikane pas vendimit të presidentit të ri amerikan për ngrirjen e programeve për ndihmë jashtë vendit.

Ministrja e Financave Gordana Dimitrieska-Koçoska thotë se ajo që kanë marrë institucionet shtetërore janë ekspertët që kanë ardhur për të ofruar ndihmë dhe mbështetje për realizimin e projekteve.

"Ne jemi i vetmi vend që arriti përderisa isha në Uashington të dakordojë me mbështetjen e Ambasadës amerikane, të marrim mbështetje të përhershme nga njerëzit atje për Ministrinë e Financave në çdo segment", tha Dimitrieska-Koçoska.

Urdhrin ekzekutiv për ngrirjen 90-ditore të të gjitha programeve të SHBA-së për ndihmë jashtë vendit, Trampi e nëshkroi më 20 janar, menjëherë pas marrjes së detyrës. Ai shpjegoi se dotacione të tilla duhet të kalojnë kontrollin për harmonizim me synimet politike të administratës së re. ls/

Foto: Arkivi i MIA-s