Tiranë, 9 janar 2026 (MIA) – Në takimin e Komitetit Ndërministror për Emergjenca Civile, të cilin e udhëheq kryeministri Edi Rama, ishin prezantuar informacione për situatën e krijuar nga moti i ligë gjatë ditëve të fundit, si rezultat i nivelit ekstrem të lartë të reshjeve të shiut. 

"Për momentin reshjet e shiut janë ulur në të gjithë vendin, përveç në Durrës. Deri më tani, janë numëruar 1.587 shtëpi dhe objekte të tjera të përmbytura në të gjithë vendin. Janë evakuuar 339 persona dhe 51 familje. Fatkeqësisht, është regjistruar edhe një viktimë nga përmbytjet, një punonjës i shërbimeve komunale të komunës së Durrësit, për çka shpreh i ngushëllimet e mia të thella familjes", tha Rama, duke premtuar se të gjithë do të kompensohen për dëmet.

Gjithashtu, theksoi se nën ujë janë 13.211 hektarë tokë bujqësore. 

"Kemi ujë edhe në disa qendra shëndetësore ose institucione arsimore. Sasia e reshjeve është e lartë, deri në 300 milimetra për metër katror, ​​ose më shumë se sasia mesatare e reshjeve që bien gjatë gjithë muajit. Pra, reshjet mesatare 30-ditore në muaj ranë në një periudhë prej tre ose katër ditësh. Ky fenomen vjen si pasojë e ndryshimeve klimatike dhe po bëhet gjithnjë e më pak i papritur në të gjithë botën", theksoi Rama.

Zëvendëskryeministrja dhe ministre e Infrastrukturës dhe Energjetikës, Belinda Balluku, vlerësoi se “situata sot duket më e mirë në nivel kombëtar”. 

"Situata e furnizimit me energji elektrike është pothuajse e stabilizuar. Më shumë se 1.600 punonjës ishin në terren. Që nga 2 janari, ata janë angazhuar në zonat më të prekura të Tiranës, Durrësit, Vlorës, Gjirokastrës dhe Elbasanit. Veriu është gjithashtu nën mbikëqyrje, por falë investimeve që kemi bërë atje, zonat janë të mbrojtura dhe më pak problematike", deklaroi Balluku.

Sipas ministres së Punëve të Brendshme, Albana Koçiu në mbarë vendin janë shpërndarë rreth 5.500 nëpunës të policisë shtetërore, me rreth 700 automjete në dispozicion. Në ndërkohë, sipas Koçiut, shërbimi zjarrfikës ka shpërndarë mbi 720 nëpunës, 55 automjete zjarrfikëse dhe 22 pompa në zonat më problematike. fc/

Foto: Fejsbuki i Ramës